Bobcast

Mange barn er ikkje inkludert i den nye leselyststrategien til regjeringa. Det meiner Veronica Salinas ved Norsk Barnebokinstitutt. Leselyststrategien er dessutan prega av lite lyst og mykje plikt, ifølge fagfolka vi har prata med. I denne første podkasten av ein miniserie på tre der Barn & Bøker fokuserer på nettopp regjeringa sin nye leselyststrategi, inviterte vi Veronica Salinas til studio saman med Elisabeth Skråmestø Wyller, formidlar for barn ved Bergen Offentlige Bibliotek. Saman bad vi dei hjelpe oss å forstå meir av innhaldet i strategien. Medverkande: Veronica Salinas er forfattar, skodespelar og formidlar og forskar ved Norsk barnebokinstitutt. Elisabeth Skråmestø Wyller er formidlar for barn her på Bergen Offentlige Bibliotek. Axel Bjare Hundvin (12) og Erika Elida Kvendseth (13) utgjer for tida kjernen i Barn & Bøker sitt barnepanel. Dei er begge skuleelevar.