Sbs Tamil - Sbs

விக்டோரியாவில் பெண் ஒருவர் கொலை செய்யப்பட்ட வழக்கில் 45 வயது நபரான பிரேம்குமார் என்பவர் கைதுசெய்யப்பட்டுள்ளார். இதுகுறித்த செய்தியை எடுத்துவருகிறார் றேனுகா துரைசிங்கம்.

இலங்கை உள்நாட்டுப் போரின்போது கணவரைப் பறிகொடுத்த தமிழ் அகதி ரீட்டா அருள்ரூபன் அவர்களின் ஒரே மகன் டிக்ஸ்ரன் அருள்ரூபன் இலங்கைக்கு நாடு கடத்தப்படுவார் என்று அரசு கூறியதைத் தொடர்ந்து, தமிழ் ஏதிலிகள் கழகத்தின் உதவியை நாடினார் ரீட்டா அருள்ரூபன். அவர்கள் முன்னெடுத்த நடவடிக்கைகள், பொது மக்கள் அரசிடம் முன்வைத்த கோரிக்கை என்பவற்றால், டிக்ஸ்ரன் அருள்ரூபனுக்கு ஆஸ்திரேலியாவில் நிரந்தர வதிவிட வீசா இந்த வாரம் வழங்கப்பட்டுள்ளது. இது குறித்து, டிக்ஸ்ரன் அருள்ரூபன் மற்றும் ரீட்டா அருள்ரூபன் ஆகியோருடன் உரையாடுகிறார் குலசேகரம் சஞ்சயன்.

அரசானது NDIS தொடர்பில் சில முக்கியமான புதுப்பிக்கப்பட்ட அறிவிப்புகள் மற்றும் மாற்றங்களை வெளியிட்டுள்ளது. குறிப்பாக குழந்தைகள் வளர்ச்சி, முழுமையான சேவை அணுகல், மற்றும் தொடர்ச்சியான தர மேம்பாடு ஆகிய துறைகளில் புதிய திட்டங்கள் கொண்டு வரப்பட்டுள்ளன. இதுபற்றிய செய்தியின் பின்னணியினை விளக்குகிறார் மகேஸ்வரன் பிரபாகரன்.

SBS தமிழ் ஒலிபரப்பின் இன்றைய (வெள்ளிக்கிழமை 22/08/2025) செய்திகள். வாசித்தவர் குலசேகரம் சஞ்சயன்.

யாழ்ப்பாணம். பலாலி விமான நிலையத்தை சர்வதேச விமான நிலையமாக மாற்றப்போவதாக அரசு அறிவிப்பு; அரசுக்கு எதிராக பல்வேறு துறைகளை சேர்ந்தவர்கள் பணி புறக்கணிப்பு போராட்டம் உள்ளிட்ட செய்திகளோடு “செய்தியின் பின்னணி” நிகழ்ச்சிக்காக விவரணமொன்றை முன்வைக்கிறார் நமது இலங்கைச் செய்தியாளர் மதிவாணன்.

சீன அதிபர் திபெத்தை பார்வையிட்டார்; காசா மீதான ராணுவ நடவடிக்கையை இஸ்ரேல் தீவிரப்படுத்தியது; பாகிஸ்தான், மற்றும் இந்திய காஷ்மீரில் பெருவெள்ளம்; உக்ரைன்-ரஷ்யா பேச்சுவார்த்தை நிலவரம்; அர்ஜெண்டீனாவில் தஞ்சம் கோர பிரேசில் முன்னாள் அதிபர் முயற்சித்தார் உள்ளிட்ட உலகச்செய்திகளின் பின்னணியை முன்வைக்கிறார் நமது தமிழக செய்தியாளர் தமிழ்ப் பிரபாகரன்.

Fast Track என்ற நடைமுறையினால் பாதிக்கப்பட்டுள்ள அகதிகளின் பிரச்சினையை தீர்க்க லேபர் அரசு நடவடிக்கை எடுக்க வேண்டும் என முன்னாள் குடிவரவு அமைச்சர் Alex Hawke வலியுறுத்தியுள்ளார். இதுகுறித்த செய்தியை எடுத்துவருகிறார் றேனுகா துரைசிங்கம்.

இளம் வயதிலேயே புற்றுநோய் ஏற்படும் விகிதம் தற்போது அதிகரித்துள்ளதாக ஆய்வுகள் கூறுகின்றன. இதற்கான காரணம் தொடர்பிலும் இந்தப் போக்கினை தடுக்க முடியுமா என்பது தொடர்பிலும் கன்பராவைச் சேர்ந்த புற்றுநோய் மருத்துவ நிபுணர் பிரணவன் கணேசலிங்கம் அவர்களோடு உரையாடுகிறார் றேனுகா துரைசிங்கம்.

மெட்ராஸ் அல்லது சென்னை என்ற நகரம் 1639ஆம் ஆண்டு ஆகஸ்ட் 22ஆம் தேதி நிறுவப்பட்டது. அதனை நினைவுகூரும் வகையில் சென்னை தினம் ஒவ்வொரு ஆண்டும் ஆகஸ்ட் மாதம் 22ஆம் தேதி கொண்டாடப்பட்டு வருகிறது. 2014ஆம் ஆண்டு சென்னை நகரம் 375 ஆண்டுகளைப் பூர்த்தி செய்ததை சிறப்பிக்கும் வகையில் நடந்த சென்னை தின ஒருங்கிணைப்பாளர்கள் - வரலாற்றாசிரியர் S. முத்தையா, சமூக செய்தித்தாள்களை இயக்கி வரும் வின்சன்ட் டீ சொய்சா, மற்றும் ரேவதி ராம் அவர்களுடன், சென்னையில் நிகழ்ந்த சிறப்பு நிகழ்ச்சிகளில் பங்கு கொண்ட நல்லி குப்புசாமி, தபால்துறை அதிகாரி S C பீமா ஆகியோர் மற்றும் சில சென்னைவாசிகள் புதிய தலைமுறை தொலைக்காட்சிக்குச் சொன்ன கருத்துகளுடன் நிகழ்ச்சி தயாரித்தவர் குலசேகரம் சஞ்சயன். அந்த நிகழ்ச்சியின் மறு ஒலிபரப்பு இது.

இந்தியாவில் நாகாலாந்து மாநில ஆளுநரும், தமிழ்நாடு மாநில பா.ஜ.கவின் முன்னாள் தலைவருமான இல. கணேசன் அவர்கள் கடந்த வாரம் வெள்ளிக்கிழமை (15 ஆகஸ்ட்) சென்னையில் காலமானார். அவருக்கு வயது 80. அவர் ஆஸ்திரேலியாவுக்கு 2014 செப்டம்பர் மாதம் வருகை தந்திருந்தபோது SBS ஒலிப்பதிவு கூடத்தில் வைத்து வழங்கிய நீண்ட நேர்முகத்தின் சுருக்கமான பதிவு. அவரோடு உரையாடியவர் றைசெல். நேர்முகம் பாகம் 2.

உயர்மட்ட பொருளாதார வல்லுனர்கள், வணிகத் தலைவர்கள் மற்றும் தொழிற்சங்கங்கள் இந்த வாரம் கன்பராவில், ஆஸ்திரேலியாவின் உற்பத்தித் திறனை அதிகரிப்பதற்கான தேசிய வட்ட மேசை மாநாட்டில் கலந்து கொள்ள கூடினார்கள். மற்றைய முன்னேறிய பொருளாதார நாடுகளைப் போலவே கடந்த பல தசாப்தங்களாக ஆஸ்திரேலியாவும் தொடர்ந்து குறைந்த உற்பத்தித் திறன் வளர்ச்சியைப் பதிவு செய்துள்ளது. இந்த வட்ட மேசை மாநாட்டில் யதார்த்தமான, ஆனால் நம்பிக்கையான எதிர்பார்ப்பு உள்ளது என்று கருவூலக்காப்பாளர் Treasurer Jim Chalmers கூறியிருந்தார். அவர் எதிர்பார்த்தது அவருக்குக் கிடைத்ததா? மூன்று நாள் உச்சி மாநாட்டின் முதல் இரண்டு நாட்கள் குறித்த செய்திகளின் பின்னணியை முன்வைக்கிறார் குலசேகரம் சஞ்சயன்.

SBS தமிழ் ஒலிபரப்பின் இன்றைய (வியாழக்கிழமை 21/08/2025) செய்திகள். வாசித்தவர் குலசேகரம் சஞ்சயன்.

இந்தியாவில் நாகாலாந்து மாநில ஆளுநரும், தமிழ்நாடு மாநில பா.ஜ.கவின் முன்னாள் தலைவருமான இல. கணேசன் அவர்கள் கடந்த வாரம் வெள்ளிக்கிழமை (15 ஆகஸ்ட்) சென்னையில் காலமானார். அவருக்கு வயது 80. அவர் ஆஸ்திரேலியாவுக்கு 2014 செப்டம்பர் மாதம் வருகை தந்திருந்தபோது SBS ஒலிப்பதிவு கூடத்தில் வைத்து வழங்கிய நீண்ட நேர்முகத்தின் சுருக்கமான பதிவு. அவரோடு உரையாடியவர் றைசெல். நேர்முகம் பாகம் 1.

ஆஸ்திரேலியாவுக்கு குடிபெயரவோ, படிக்கவோ விரும்புகின்றவர்கள், தங்கள் ஆங்கில மொழித் திறனை நிருபிக்க எழுத வேண்டிய ஆங்கில தேர்வுகளில் ஒன்றான PTE (Pearson Test of English Academic) ஸ்கோர் குறித்து நடைமுறைக்கு வந்துள்ள மாற்றங்களை விவரிக்கிறார் உயிர்மெய்யார்.

ஆஸ்திரேலிய வரலாற்றில் மிகப்பெரிய சட்டவிரோத பணி நீக்க வழக்கு என்று அழைக்கப்படும், Qantas விமான நிறுவனத்தின் மீதான வழக்கில் ஆஸ்திரேலியாவின் மிகப்பெரிய விமான நிறுவனம் மீது உச்ச நீதிமன்றம் 90 மில்லியன் டொலர்கள் அபராதம் விதித்துள்ளது. இது குறித்த செய்தியின் பின்னணியை எடுத்து வருகிறார் குலசேகரம் சஞ்சயன்.

SBS தமிழ் ஒலிபரப்பின் இன்றைய (புதன்கிழமை 20/08/2025) செய்திகள். வாசித்தவர் : மகேஸ்வரன் பிரபாகரன்.

இலங்கையில் மாகாண சபை தேர்தல் நடத்தப்படாமல் இழுத்தடிக்கப்பட்டு வருவதாகவும் தேர்தலை நடத்தவேண்டும் எனவும் எதிர்க்கட்சிகள் வலியுறுத்தி வருகின்றன. இது தொடர்பில் “பார்வைகள்” நிகழ்ச்சி ஒன்றை முன்வைக்கிறார் நமது இலங்கைச் செய்தியாளர் மதிவாணன்.

SBS தமிழ் ஒலிபரப்பின் இன்றைய (செவ்வாய்க்கிழமை 19/08/2025) செய்திகள். வாசித்தவர் குலசேகரம் சஞ்சயன்.

Reported incidents of hatred are on the rise, and key organisations say they are just the 'tip of the iceberg'. What's driving the increase? - வெறுக்கத்தக்க பேச்சு மற்றும் சம்பவங்கள் அதிகரித்து வருகின்றன. அவை குறித்த முறைப்பாடுகளும் அதிகரிக்கின்றன. அவையெல்லாம், நீருக்கடியில் இருக்கும் பனிப்பாறையின் முனை மட்டுமே வெளியே தெரிவதைப் போன்றது மட்டுமே என்று நிபுணர்கள் கூறுகின்றனர். இந்த அதிகரிப்பிற்கு என்ன காரணம்?

ஆஸ்திரேலியாவில் அரசு வழங்கும் Age Pension பல முதியவர்களின் பிரதான வருமான ஆதாரமாக இருக்கிறது. ஆனால், செல்வம் படைத்த மூத்த குடிமக்கள் தங்கள் வீடுகளைத் தவிர கணிசமான சொத்துக்களையும் கொண்டிருந்தாலும், ஓய்வூதியம் கோருகின்றனர் என்று சமூக சேவைகள் அமைச்சர் Tanya Plibersekற்கு அவருடைய துறை சார் வல்லுனர்கள் எச்சரித்துள்ளனர் என்றும், அது குறித்து மாற்றங்கள் செய்யப்பட வேண்டுமென்று பரிந்துரைத்துள்ளதாகவும் Australian Financial Review செய்தி வெளியிட்டுள்ளது. இது குறித்த செய்தியின் பின்னணியை எடுத்து வருகிறார் குலசேகரம் சஞ்சயன்.